30 يوليو 2023
كفريق، الأكل لدينا
يعتبر شيء أساسي، ودائما ما نبحث عن أفضل المطاعم التي تقدم ألذ وأطيب المأكولات..
فقررنا أن نشارككم بتجربتنا في 5 مطاعم ونحن على يقين بأنها ستنال إعجابكم أيضاً!
إذا كنتم لا تعرفون
أماكن هذه المطاعم، حملوا تطبيق الأڤنيوز، وسوف يبين لكم من خلال الخريطة موقع
المطعم وأقرب بوابة له.
"
أغلب أصدقائي اللي يحبون يزورون تركيا بين كل وقت، تحمسوا على افتتاح مطعم
"ناملي غورميه" في الأڤنيوز. وأنا واحد منهم!
المطبخ التركي بالنسبة
لي واحد من أفضل المطابخ في العالم، عشان جذي قررت إن أروح وأجرب الريوق عندهم،
وطلع الطعم بالضبط مثل مطاعم تركيا! الأكل جدا لذيذ والأجواء تركية بحته.. وبنفس
الوقت عندهم ركن خاص تقدرون تشترون منهم الحلويات والتوابل التركية اللي مو موجودة
إلا عندهم!"
الموقع: فرست أفنيو -
الدور الأرضي
"إني أكون موظف الأڤنيوز، معناته أن أنا آكل
وايد.. وهالشي مو دايما صحي! فمطعم بيسك يعتبر من المطاعم الصحية اللي تقدر تخليك
تسوي توازن في أكلك، وبالرغم من أنهم يقدمون وجبات الريوق والغدا والعشا، إلا إني
أفضل ريوقي يكون منهم.
أبدا يومي بعصير أخضر
غني بالخضراوات، ومعاه خبز بريوش البيض والجبن وقطعة من كيكة الموز عشان تكتمل الوجبة! جربوها..
جدا لذيذة! "
الموقع: الفوروم - الطابق
السفلي
"
إذا كان بخاطري اكل إيطالي أصلي؟ دايما اختار مطعم سان ماركو روما.. وبما إني شخص
من محبين الكربوهيدرات، بالنسبة لي بيتزا البطاط والترافل شي من متع الحياة!
باختصار.. عجينة لذيذة،
فوقها بطاط عليه شوية بهارات، وكريمة الترافل البيضا الناعمة! تقدر تتخيل الطعم؟
فعلاً يستحق التجربة"
الموقع: غراند أفنيو
"
لمن يكون عندنا جمعة عائلية، يكون الاختيار مطعمنا اللبناني المفضل مطعم إم شريف.
كل شي حلو فيه، من موقعهم الشرح ليه أكلهم المتنوع اللذيذ، اللي يخليني صعب اختار
طبق واحد!"
الموقع: الجاردنز
"
كان بخاطري أكل كويتي قبل جم أسبوع، فقررت إني أجرب مطعم كويزين، وفعلا التجربة
كانت ممتازة، أوصي أنكم تجربون الجريش وورق العنب.. ابدا ماراح تتحسفون!"
الموقع: الجاردنز
